Kolefnisjöfnuðum...

...oss á vandræðum lífsins. Kostaði oss stórpening og Kaupþing græddi á öllu saman. Eins og kvekenden fái ekki nóg í vexti og þjónustugjöld frá oss. Vér erum verulega slakir yfir þessu öllu núna. Reyndar kannski ekki alveg málið hjá oss að kolefnisjafna.
Meira erum vér í þörf til að metangasjafna oss. En það er notturlega ekki í tísku að bæta upp prump. Hugsanlega ekki vinsælt hjá viðkvæma umhverfisverndarpakkinu. Vill ekki láta vita að það mengar með rassinum á sér.
Er annars staddur á Rundevej að fagna heimkomu frænkuskjátunnar. Grefilsins gleði. Gaman og glens.
Skál!!!

Grasekkill...

...ei meir frá og með aðfaranótt sunnudags. Gimbrin að snúa til baka úr beit í sólskinshaganum á Pýrenea-afréttinum. Geimveran gleðst yfir því.
Hef annars orðið var óróa í áru klakans. Ætli frænkuskjátan sé ekki lent með tilheyrandi látum.
Skál!!!

Af...

...því mig hefur alltaf langað til þess!
Einfaldasta svarið þegar löggan spyr mann akkuru mar stal fána á bensínstöð og notaði hann sem skikkju á meðan mar hljóp nakinn um Mosfellsbæinn. Frábær frétt!
Skál!!!

Sumum...

...finnst óþolandi að muna ekki draumana sína. Mér finnst óþolandi að muna ekki morguninn eftir hvað mér fannst svona fyndið og/eða merkilegt þegar ég lá uppi í rúmi kvöldið áður og beið eftir að svefnperrinn Óli lokbrá úr Vogunum kæmi og negldi aftur á mér augnlokin.
Hef annars gert mér grein fyrir því að rauðvín drukkið eins og það sé Budweiser-hland er ekki gott til árangurs ef mar ætlar sér að taka þátt í allri gleðinni. Gerir mann svo obboslega þungan eitthvað í skrokkunum og, svo ég tali nú ekki um, augnlokunum, verri negling en hjá svefnperranum.
En síðan er það notturlega spurning um hvort mar sé yfir höfuð að missa af einhverju. Partíörlagadísirnar búnar að spinna mann þannig úr garði að mar tekur út sína gleði á sínum tíma. Óháð úthaldi annarra. Eða hvað?
Skál!!!

Svona...

...fór um sjóferð þá! Og ekki söguna meir!

Blæðingar

Tískuorð eru alger sérkapítuli í íslenskum fjölmiðlum, sem og annars staðar í þjóðfélaginu. Nýjasta nýtt á þeim markaði eru 'blæðingar'. Nú eru margir af helstu vegum landsins byrjaðir á blæðingum.
Get ekki annað en velt fyrir mér hvort vegir hafi reglulega eða óreglulega tíðahringi. Vegurinn um Kræklingahlíð virðist vera með nokkuð reglulegar, eða frekar tíðar, tíðir. Alla vega tvisvar farið á túr í sumar.
Ands... það er svo mikið af orðaleikjatækifærum hérna að það liggur við að mar leggi niður vinnu til að sinna þessum skrifum.
En allt gott endar.
Brullaup í Hrútafirði á morgun. Ósóminn að ganga í það heilaga. Geimveran ætlar í leitir. Hljóta að vera einhverjar kindur þarna. Samt ekki víst. Þetta heitir víst einu sinni Hrútafjörður. Mar fer þá bara í ullina og kumrar í átt að Börsungalóni. Hvar gimbrin manns geymir sig þessa dagana.
Úbbs... vinna...
Síðar!

Undarlegt...

...hvað þetta er allt undarlegt. Sérstaklega þegar mar hittir konu sem er á árs há tíðum. Hljóp sem fætur toguðu. Þannig að hún tók nú fram úr mér, gæskan.
Skál!!!

Hefur...

...einhver hitt kvenmann sem hefur verið á árs tíðum?
Eða þá konu sem er á há tíðum?
Ég hitti samt einu sinni einn sem var svo sjald gæfur að það var bara búið að klappa honum einu sinni.
Farinn að skjóta mig í hvirfilinn.
Svússj!!!

Ostaveisla...

...getur verið svo óaðlaðandi orð.
Annars tíðindalítið af vesturvígstöðvunum, segja þeir mér. Ekki það að mér sé ekki sama. Veit ekki hvar þessar vígstöðvar eru einu sinni. Mar hefur engan áhuga á fréttum frá svæðum sem mar veit ekki hvar eru. Ég hef notturlega ekki áhuga á neinum vígstöðvum, ef út í það er farið. Skil ekki hvað þar fer fram.
Nema kannski helst þegar nágrannar fara í stríð. Það er notturlega ekkert annað en hrepparígur sem fer úr böndunum.
Eða kannski ekki.
Hvað veit mar sossum?
Ekki neitt!
Úff! Miðað við þessar vangaveltur er greinilegt að skortur á blindafylleríi er farinn að gera vart við sig. Núllstilling er nauðsynleg, hvað úr hverju. Annars er voðinn vís.
Farinn að redda þessu.
Skál!!!

Helgin...

...er mætt. Má ekki vera að þessu né hinu.
Hóhó og hibbhibb!

Sólbrunnin...

...geimvera forðast svo margt!

Varð...

...bara að hálf endurtaka mig hér fyrir neðan. Langaði svo að setja inn færslu þar sem fyrirsögnin var lengri en meginmálið. Svona er mar nú takmarkaður einstaklingur með einfaldar þarfir.
Annars er helgi.
Er það ekki ágætt?
Skál!!!

Algerlega...

...tómur.

Gersamlega...

...tómur.
Síðar!!!

Alveg...

...merkilegt hvað það slaknar rosalega á pungskinninu þegar það er heitt í veðri. Alveg ótrúlega mikið. Svo mikið að ég var rétt í þessu að renna skrifborðsstólnum mínum yfir lufsunar, með viðeigandi angistarópum.
Tja...

Heimurinn...

...er að farast.
Ég er allavega að farast úr hita.
Kemur það á ekki sama stað niður?