Bjór...

...er alltaf góð hugmynd.
Skál!!!

Hann...

...lifir! Tobbalicious lifir!
Annars er fátt að frétta. Nema hvað ég er reiður út í Ingu Sollu fyrir að reka Óla Ödda. Mér fannst hann standa sig svo rosalega vel við endurskipulagningu bíp-stofnunarinnar.
Skál!!!

Aftur...

...og dvalarleyfishafi eða íslenskur ríkisborgari af erlendu bergi brotinn!

Blah!

Er nokkuð sáttur en gersamlega tómur í hausnum. Ætli að það sé einhver fylgni þarna á milli? Á eftirfarandi fagnaðarerindi virkilega við rök að styðjast? „Sælir eru fattlausir því þeir fatta ekki hvað þeir eru vitlausir!“
Skál!!!

Sjaldan...

...höfum vér verið jafn aðframkomnir í vinnu og í dag. Og það þrátt fyrir að hafa nánast ekki gert neitt.
Fyrstidagurívinnueftirfrí-heilkennið greinilega grasserandi á öreindastigi í líkama vorum. Ef þetta kallar ekki á bjór eftir vinnu.
Annars fátt að frétta og enn minna að segja frá. Haustlægðarblúsinn blússandi í sálartetri voru og skammdegisblekið á næstu fölnuðu grösum, handan við hrímað hornið.
Hugsanlega hægt að redda þessu öllu með því að leggjast í vinnuhýði yfir veturinn. Skríða svo út af skrifstofunni þegar fyrstu geislar endurlífgandi vorsólar renna yfir frosinn svörð Frónsins. Skríða út kyrjandi sitt dirrindí og bjóða nýtt líf velkomið í voran rann.
Yfir og út.
Skál!!!

Geimveran...

...hefur gert strandhögg í flatkökulandi, ásamt Krillunni. Blóm og kransar vinsamlegast afþakkaðir en fólki bent á að bjór eða tveir eru geimverunni að skapi þegar hann heldur heim á leið úr útrás.
Geimveran er annars í langþráðu fríi sem hún var ekki alveg að höndla fyrr en lent var í kóngsins köbenhán. Merkilegt hvað iðjuleysi getur lagt góðan grunn að eirðarleysi.
Eníhú! Það bíður bjór, sem heimtar þjór.
Skál!!!